Curita na’ Bujakng Nyangko, man Ne’ Kampo.

Pada zaman de’, waktu masi zaman pakayoatn, Ne’ Kampo nian karajanya tinggal ngayo tarus, kade ia ampus bakayo ia na hanya nang nanag namu, ase pulakng barinsi tarus atokng nangnya ngicakng.

Nele atokngnya dah barinsi, Nek Kampo’ nian pulakng, ka’ dalapm pajalanan pulakngnya, Ne’ Kampo’ nian batamu man Bujakng Nyangko, ka’ dalapm patamuannya koa, nya dua lalu bajoloi’ jukut di ampa’ ka’ ujukng tangkitn. Mungkin lea koa barang kali adatnya kade diri batamu man dangan.

Jadi lama-kalamaan, Bujakng Nyangko nian kaheranan nele Ne’ Kampo’ sau namu ngayo. Pada ari sotenya Bujakng Nyangko pun ampus ka’ Ne’ Kampo’,ia batanya ka Ne’ Kampo,
“ahe me sayaratnya, Kampo? Kao sau namu koa?”
“ina ahe-ahe Nyangkoa’” ja kata Ne’ Kampao’ nele Bujakng Nyako.
“au me?”
“au...” ja Ne’ Kampo’. Lalu Bujakng Nyangko ngureres pikirannya, dan ia batanya agi ka Ne’ Kampo’.
“mungkin sa’nya Tangkinnyu koa sanya?” ja Bujakng Nyangko batanya ka Ne’ Kampo’
“mungkin uga’, kao mao me batukara tangkitn man aku?” ja Ne’ Kampo’ nawari Bujakng Nyangko.
“mao..aku mao sidi, baya me?” jakata Bujakng Nyangko.
“baya”ja Ne’ Kampo’ nele Bujakng Nyangko.
“kade lea koa!, kao pake maan Tangkitn ku” ja Ne’ Kampo’.
“ina maan ahe-ahe pantangan Tangkitnyu nian?” Bujakgn Nyangko batanya, ka Ne’ Kampo’.
“ada pantangannya” jakata Ne’ Kampo’.
“ahe pantangannya?”ja kata Bujakng Nyangko, panasaran
“iana manyak, pantangannya koa hanya. Kade urakng ada nang lalu ka’ babah rumahnyu ia pasti mati”
“o..lea koa”
“au...pokonya nang koa harus kao ingant boh Nyagko” ja pasatn Ne’ Kampo’ sanape Bujakng Nyangko pulakng.
“ aulah” ja Bujakng Nyangko, sambil ia pulakng.

Na lama uga, samalama Bujakng Nyangko make Tnagkitn Ne’ Kampo’, Bujakng Nyangko, tinggal namu tarus. Tapi Bujakng Nyangko na tega nele urang sakampongannya, tiap ari mati kade lewat babah rumahnya.

Lalau Bujakng Nyangko, ampus agi ka’ Ne’ Kampo’. Bujakng Nyangko mao mulangan Tangkitnya. Atakng ka’ rumah Ne’ Kampo’ Bujakng Nyangko pun langsung bakata
“aku na sanggup Kampo’” ja kata Bujakng Nyangko nele Ne’ Kampo’
“di ahe?” ja kata Ne’ Kampo’
“nele urang mati tarus kade lewar babah rumah ku. Jadi Tangkitn nyu nian mao ku pulangan agi” ja Bujakng Nyangko
“iana ahe-ahe ba, Tangkitnyu punmasih uga ka aku” ja Ne’ Kampo’.

Nya dua pun batukar tangkitn agi, abis ba tukar Bujakng Nyangko pun pulankng agi ka rumahnya.

Lea koalah curita Pado. Atau nang di kanal man Pasumpahatn Bunga. Ampeatn tampat-tampat nian jadi karamat ka’ kampokng Silung man kampokng-kampokng nanag ada ka’ sekitarnya.
(sumber curia nian dari kampokng silung)